ცეკვის უძველესი ვიზუალური წყაროები (საქართველოს არქეო-ქორეოგრაფია)

წიგნში განხილულია საქართველოს ვრცელი პერიოდის – ძვ. წ. VI –IV ათასწლეულებიდან დაწყებული, ახ. წ. II საუკუნით დამთავრებული – არქეოლოგიური მასალა. ნაშრომში ეტაპობრივად წარმოდგენილია არტეფაქტებზე მოცემული გამოსახულებები, რომლებიც, სხვა მნიშვნელობასთან ერთად, ქორეოგრაფიული ინფორმაციის შემცველია: აქ მოცემულია ცალკეული საცეკვაო პოზა-მდგომარეობები, ყურადღება გამახვილებულია კოლექტიურად შესრულებული ცეკვის სამწყობრო განლაგებაზე, არის წყვილში შესრულებული ცეკვა…
წიგნი განკუთვნილია ქართული ქორეოგრაფიის ისტორიის შემსწავლელთათვის, მოცეკვავეების, ქორეოგრაფებისა და ქორეოლოგების, ხელოვნებათმცოდნეებისა და ფოლკლორისტების, ქორეოგრაფიული ხელოვნებით დაინტერესებულ და შემოქმედებითი საქმიანობით დაკავებულ პირთათვის.

წიგნი მომზადდა საქართველოს შოთა რუსთაველის თეატრისა და კინოს სახელმწიფო უნივერსიტეტის სამეცნიერო ბაზაზე, ალეკო გელაშვილის სადისერტაციო ნაშრომის – „ქართული ცეკვა არქეოლოგიურ ძეგლთა იკონოგრაფიულ სისტემაში“ – მიხედვით.

რედაქტორი – ანა სამსონაძე
რეცენზენტები – უჩა დვალიშვილი, ნატო გენგიური
კორექტორი – მანანა სანადირაძე
ინგლისურად თარგმნა – ლია ოთინაშვილმა
თარგმანის რედაქტირება და კორექტირება – მარინა კაგანოვა
დიზაინი, დაკაბადონება – სანდრო ჩხაიძე
ფოტოგრაფი – გიორგი მექვაბიშვილი
პროექტის კოორდინატორი – ნინო რაზმაძე
წიგნი გამოიცემა საქართველოს განათლების, მეცნიერების, კულტურისა და სპორტის სამინისტროს და საქველმოქმედო ფონდ „ქართული გალობის“ ფინანსური მხარდაჭერით.

გამოცემა გახლდათ არაკომერციული და ხელმისაწვდომია ელექტრონული ვერსიის სახით.