ედიშერ და გიორგი (გიგი) გარაყანიძის სახელობითი სტიპენდიის მიმდინარე წლის მფლობელები გამოვლინდნენ.
სტიპენდიის გადაცემის ღონისძიებას 3 დეკემბერს გალობის უნივერსიტეტმა უმასპინძლა. სტიპენდიატები ფონდის დამფუძნებელმა და გალობის უნივერსიტეტის ადმინისტრაციის ხელმძღვანელმა, ნანა გოთუამ დააჯილდოვა.
2025 წლის სტიპენდიატები გახდნენ:
ნინო თავაძე – თბილისის სახელმწიფო კონსერვატორიის საბაკალავრო პროგრამის სტუდენტი, შატო კუბათაშვილი – თბილისის სახელმწიფო კონსერვატორიის მაგისტრანტი,
გიორგი ვახტანგაშვილი – თბილისის სახელმწიფო უნივერსიტეტის დოქტორანტი, ანა თანდილაშვილი – გიორგი მთაწმინდელის სახელობის გალობის უნივერსიტეტის საბაკალავრო პროგრამის სტუდენტი.
სტიპენდია ფონდ „ქართული გალობის“ დამფუძნებლის, ვანო ჩხარტიშვილის ინიციატივით 2016 წელს დაარსდა და ყოველწლიურად გადაეცემა თბილისის სახელმწიფო კონსერვატორიის, თბილისის სახელმწიფო უნივერსიტეტისა და გიორგი მთაწმინდელის სახელობის გალობის უნივერსიტეტის მაღალი აკადემიური მოსწრებისა და აქტიური სამეცნიერო ცხოვრების მქონე სტუდენტებს.
Discussion about this post