“ჰარირა-ჰარირამა” – ანსამბლ “დიდგორის” ახალი აუდიო ალბომი

18 იანვარს, ფოლკლორის სახელმწიფო ცენტრის დარბაზში, ანსამბლ „დიდგორის“ ახალი აუდიო ალბომის­ − „ჰარირა-ჰარირამას“ პრეზენტაცია გაიმართა.

ალბომი ფონდი „ქართული გალობისა“ და საქართველოს კულტურისა და სპორტის სამინისტროს ფინანსური მხარდაჭერით გამოიცა.

„ჰარირა-ჰარირამა“ მეგრულ-აფხაზურ სიმღერებს აერთიანებს. მასში 17 სასიმღერო ნიმუში ჟანრულად, მსგავსი ჰარმონიული თავისებურებებითა და ჟღერადობითაა დაჯგუფებული. ალბომი ჩაიწერა და მომზადდა ანზორ ერქომაიშვილის სახელობის ფოლკლორის სახელმწიფო ცენტრში.