22 ნოემბერს, ედიშერ და გიორგი (გიგი) გარაყანიძეების სახელობის ყოველწლიური სტიპენდიის გადაცემის ცერემონიალი გაიმართა. ღონისძიებას ესწრებოდა გიგი გარაყანიძის მეუღლე, მაგდა კევლიშვილი და შვილი, ილია გარაყანიძე.
წლევანდელი სტიპენდიატები არიან – გალობის უნივერსიტეტის საბაკალავრო პროგრამის სტუდენტი ანა ფეიქრიშვილი, თბილისის სახელმწიფო უნივერსიტეტის მაგისტრანტი ელენე ბერაია და თბილისის სახელმწიფო კონსერვატორიის დოქტორანტი მონაზონი ნინო სამხარაძე.
სტიპენდია 2016 წელს, ფონდი „ქართული გალობის“ დამფუძნებლის, ბატონი ვანო ჩხარტიშვილის ინიციატივით ქართული ტრადიციული მუსიკის პოპულარიზაციისა და მისი შესწავლით დაინტერესებული ახალგაზრდა თაობის პროფესიული წახალისების მიზნით დაარსდა.
Discussion about this post