2023 წლის 17 ოქტომბერს ქალაქ პარიზში, ინტერკონტინენტალის ისტორიულ დარბაზ „ოპერაში“ გაიმართა საფრანგეთში ქართული დიპლომატიური მისიის აღდგენის 30-ე წლისთავისადმი მიძღვნილი ღონისძიება.
ღონისძიებას ესწრებოდა საგარეო საქმეთა მინისტრის მოადგილე ქ-ნი ხათუნა თოთლაძე. სტუმრებს შორის იყვნენ საფრანგეთის ეროვნული ასამბლეის დეპუტატები და სენატორები, აღმასრულებელი ხელისუფლებისა და დიპლომატიური კორპუსის წარმომადგენლები, ასევე, საფრანგეთში მოქმედი დიასპორული ორგანიზაციების ხელმძღვანელები,
საქართველოს კულტურის, სპორტისა და ახალგაზრდობის სამინისტროს მხარდაჭერით კულტურული პროგრამა წარმოდგენილი იყო ქუთაისის ცეკვის სახელმწიფო ანსამბლითა და ფოლკლორული ანსამბლით „შილდა“.
ცალკე სივრცეში მოეწყო საგარეო საქმეთა სამინისტროს დიასპორული პროექტების კონკურსში გამარჯვებული -„მოგზაური ექსპოზიცია – ფოტოგამოფენა საგანძური”.
Discussion about this post