ფონდის სპეციალური გრან პრი ნოდარ დუმბაძის სახელობის ფესტივალზე

ნოდარ დუმბაძის IV საერთაშორისო ფესტივალს ოზურგეთის თეატრმა 5-15 ივლისს უმასპინძლა. ფესტივალი ნოდარ დუმბაძის დაბადებიდან 95-ე წელს და ოზურგეთის თეატრის დაარსებიდან 155-ე წელს მიეძღვნა. ფესტივალს ოზურგეთის სახელმწიფო დრამატული თეატრის მაყურებელი და მსოფლიოს სხვადასხვა ქვეყნიდან ჩამოსული 700-მდე სტუმარი, თუ მონაწილე დაესწრო.

ღონისძიების გენერალურმა სპონსორებმა – ფონდმა „ქართულმა გალობამ“ და „სმარტ კაპიტალ ჯგუფმა“ 8 უცხოურ და 18 ქართულ დადგმას შორის საუკეთესო სპექტაკლის ნომინაციაში გამარჯვებულს, თავისუფალ თეატრს (სპექტაკლი „სამანიშვილის დედინაცვალი“, რეჟისორი: გიორგი მარგველაშვილი), სპეციალურად ამ ფესტივალისთვის დაწესებული გრან პრი და 10 000 ლარიანი ფულადი პრემია გადასცა.