29 მაისს, თბილისის სახელმწიფო კონსერვატორიის მცირე დარბაზში გაიმართა დიმიტრი არაყიშვილის ოპერის „თქმულება შოთა რუსთაველზე“ კლავირის პრეზენტაცია. საღამო მიეძღვნა კომპოზიტორის დაბადებიდან 150 წლის იუბილეს.
საგამომცემლო პროექტი, რომელიც მოიცავდა დიმიტრი არაყიშვილის ოპერის კლავირის ხელნაწერის გაციფრებას და გამოცემას განახორციელა არასამთავრობო ორგანიზაციამ ვალერიან გუნიას სახელობის თეატრალურ ხელოვანთა ახალგაზრდულმა კავშირმა.
საგამომცემლო პროექტი განხორციელდა მეცენატ ფრედერიკ პოულსენისა და ფონდ „ქართული გალობის“ ფინანსური მხარდაჭერით. პროექტის პარტნიორები არიან ვანო სარაჯიშვილის სახელობის თბილისის სახელმწიფო კონსერვატორია, საქართველოს პარლამენტის ეროვნული ბიბლიოთეკა და საქართველოს კომპოზიტორთა შემოქმედებითი კავშირი.
გამოცემა მოიცავს ოპერის „თქმულება შოთა რუსთაველზე“ როგორც სანოტო მასალას, ისე კომპოზიტორისა და ნაწარმოების შესახებ ინფორმაციას, ფოტოებსა და ოპერის ერთადერთ, თბილისის კონსერვატორიის საოპერო სტუდიის 1966 წლის საარქივო ჩანაწერს.
Discussion about this post