ფონდი „ქართული გალობა“ ფოლკლორის სახელმწიფო ცენტრთან ერთად აგრძელებს გამოცემათა სერიას „ქართული სიმღერის მოამაგე“, რომელიც ფონდის მიერ დაჯილდოებულ ცნობილ ლოტბარებსა და მომღერალ-მგალობლებს ეძღვნება.
ახლახან სერიის VIII წიგნი გამოიცა, რომელიც მკითხველს ცნობილი ქართველი მომღერლისა და ლოტბარის, მიხეილ მცურავიშვილის შემოქმედებით ცხოვრებას აცნობს.
გამოცემა მიხეილ მცურავიშვილის 80 წლის საიუბილეო თარიღს ეძღვნება.
მონოგრაფიის ავტორია ეთნომუსიკოლოგი მაკა ხარძიანი.
2015 წელს ფონდმა „ქართულმა გალობამ“ მიხეილ მცურავიშვილი, როგორც ღვაწლმოსილი ლოტბარი, ქართული სიმღერის აღდგენა-პოპულარიზაციაში შეტანილი წვლილისათვის დააჯილდოვა.
მონოგრაფიის მიზანია, ახლოს გააცნოს მკითხველს მიხეილ მცურავიშვილი, საქართველოს დამსახურებული არტისტი, ხელოვნების დამსახურებული მოღვაწე, ლოტბარი, მომღერალი, რომელიც თითქმის ექვსი ათეული წელია ერთგულად ემსახურება ქართული სიმღერის პოპულარიზაციას და ეროვნული საგანძურისადმი სიყვარულს უნერგავს ახალგაზრდა თაობებს.
მონოგრაფია, ბიოგრაფიულ ცნობებთან ერთად, მოიცავს ისტორიას იმ ძირითადი ანსამბლებისა, სადაც მიხეილ მცურავიშვილს უღვაწია. ესენია: კვარტეტი „ფიროსმანი“, ანსამბლი „გორდელა“, მედუდუკეთა დასტა, ანსამბლი „შარავანდი“ და გორის ვაჟთა გუნდი, რომელთანაც ბატონი
მიშა დღემდე მუშაობს. მკითხველისთვის საინტერესო იქნება მოგონებები მიხეილ მცურავიშვილზე, როგორც უდიდეს მომღერალზე, ლოტბარსა და სანიმუშო ქართველ კაცზე.
გამოცემას ერთვის კომპაქტდისკი, რომელზეც ჩაწერილია მიხეილ მცურავიშვილის შესრულებული განუმეორებელი ნიმუშები ქართული ხალხური სიმღერის „ოქროს ფონდიდან“.
რედაქტორი თამარ ასათიანი
ყდის დიზაინი თამარ დევდარიანი
ფოტომასალის დამუშავება ლაშა ციხისელი
კომპიუტერული უზრუნველყოფა მარიამ პოლტახიენტი
ხმის რეჟისორები გიორგი ჯოლბორდი, მიხეილ კილოსანიძე
პროექტის კოორდინატორი ნინო რაზმაძე
© საქველმოქმედო ფონდი „ქართული გალობა“
© ანზორ ერქომაიშვილის სახელობის საქართველოს ფოლკლორის სახელმწიფო ცენტრი
გამოცემა არაკომერციულია და ხელმისაწვდომია ელექტრონული ვერსიის სახით.
Discussion about this post