“ბატონები – ტრადიცია, წეს-ჩვეულება, მუსიკა“ – ამ თემას მიეძღვნა ქართველ ქალთა ტრადიციული მუსიკის მეორე ფესტივალი „ნანინა-2024“, რომელიც მოიცავდა სამეცნიერო, საპრეზენტაციო და საკონცერტო ნაწილს. მის მიზანს ქალთა ტრადიციული მუსიკის შესახებ ცნობადობის ამაღლება და პოპულარიზება წარმოადგენს.
სოციალური გარემოს ცვლილებით დღეს ბატონების რიტუალი ნაკლებად ან საერთოდ აღარ სრულდება, თუმცა, ჩვენმა მეხსიერებამ მაინც შემოინახა ეს რიტუალი, რომელიც დღეს უკვე არამატერიალური კულტურული მემკვიდრეობის ძეგლის სტატუსს ატარებს.
არამატერიალურ კულტურულ მემკვიდრეობაზე ზრუნვა მისი შენარჩუნებისათვის დიდი მნიშვნელობის მატარებელია. ამ მიზნით ფონდი “ქართული გალობის” თანამშრომლობა ქალთა ტრადიციული მუსიკის მეორე ფესტივალთან წელს განსაკუთრებით სასიხარულოა.
ვულოცავთ ფესტივალის ორგანიზატორს – ეთნომუსიკოლოგთა შემოქმედებით ჯგუფ „ნანინას“, მხარდამჭერებსა და მონაწილეებს ფესტივალის წარმატებით დასრულებას!
ფოტო: გიორგი მექვაბიშვილი
Discussion about this post