ნოტრ დამის უნივერსიტეტის (აშშ) საეკლესიო მუსიკის დეპარტამენტის შვიდმა სტუდენტმა ელის მარტინის სახელობის სტიპენდიით გალობის უნივერსიტეტში ქართული გალობა და სიმღერა შეისწავლეს.
პროგრამის დასრულების შემდეგ მათ გადაეცათ სერტიფიკატები, ღონისძიება ამერიკელი სტუდენტებისა და გალობის უნივერსიტეტის სტუდენტების მიერ რამდენიმე სიმღერისა და გალობის შესრულებით დასრულდა.
პროგრამა ამერიკელი მეცენატების რექს და ელის მარტინებისა და ელისაბედ ბორგერის საქველმოქმედო ფონდების შემოწირულობით ხორციელდება. ასევე, პროგრამის ფინანსური მხარდამჭერია ფონდი “ქართული გალობა”.
გალობის უნივერსიტეტი და ნოტრ დამის უნივერსიტეტის (აშშ) საეკლესიო მუსიკის დეპარტამენტი 2018 წლიდან ახორციელებენ სტუდენტურ გაცვლით პროგრამას.
Discussion about this post